Zëvendës kryeministrja, njëherësh ministre e Infrastrukturës dhe Energjisë, Belinda Balluku duhet të paraqitet sot deri në orën 15:00 në SPAK.
Burimet bëjnë me dije se Ballukut i është kërkuar që të jetë e shoqëruar me avokat.
Prokuroria e Posaçme nuk ka dhënë ende asnjë detaj zyrtar për këtë çështje, por gjatë seancës së të enjtes së kaluar, ku kreu Altin Dumani raportoi në Kuvend, pranoi se zëvendës kryeministrja është nën hetim.
Nga ajo që dihet deri tani – në SPAK janë të paktën 4 padi për Ballukun: për çështjen e tunelit të Llogarasë, shitblerjet e energjisë elektrike, panelet fotovoltaike dhe 2 anijet TEC të prodhimit të energjisë elektrike.
