Ousmane Dembélé nuk do ta ketë të lehtë te Barcelona, teksa u përjashtua edhe nga trofeu Joan Gamper, që u fitua 4-2 ndaj Tottenhamit. SPORT raporton se klubi studioi mundësinë për t’i dhënë leje futbollistit për të mos ndjekur ndeshjen. Shkak u bë sjellja e lojtarit dhe negociatat me PSG, për t’u larguar befasisht. Barça, PSG dhe vetë lojtari po mbyllin marrëveshjen përfundimtare për transferimin e francezit te klubi parizian dhe katalanasit e mënjanuan nga ndeshja e sotme.
Francezi, pavarësisht se nuk ishte aty për duel, deri në momentin e fundit është treguar profesionist. Ai udhëtoi për të finalizuar transferimin e tij te PSG dhe, pasi nuk arriti një marrëveshje, u kthye në Barcelonë dhe u vu nën urdhrat e Xavi, edhe duke e ditur se e ardhmja e tij nuk kalonte nga FC Barcelona. Këto lëvizje e shtyjnë sulmuesin drejt Parisit dhe konfirmimi mbetet çështje orësh apo ditësh.
