Presidenti i rrëzuar i Sirisë, Bashar al-Assad, raportohet se i ka shpëtuar për mrekulli një atentati.
Një tentativë helmimi është bërë ndaj diktatorit të rrëzuar Bashar al-Assad, raporton “The Sun”, i cili prej 8 dhjetorit 2024 ka qenë nën mbrojtjen e Vladimir Putin në Moskë.
Siç raporton llogaria online “General SVR”, e cila supozohet se drejtohet nga një ish-spiun kryesor në Rusi, ka deklaruar se ditën e dielë, Assad është ndjerë keq papritur.
Sipas burimeve të kanalit, atentati ndaj Assad-it ka ndodhur të dielën, kur ai është helmuar dhe ka përjetuar një gjendje kritike, duke u përpjekur të merrte frymë. Mjekët e thirrur me urgjencë në banesën e tij arritën ta stabilizonin. Megjithatë, lajmi nuk është konfirmuar nga asnjë burim zyrtar.
“TheSun” shkruan se raportimet e mediave ruse sugjerojnë se Assad-i kërkoi kujdes të menjëhershëm mjekësor pasi, brenda pak sekondash nga ekspozimi ndaj substancës së dyshuar helmuese, ai filloi të kollitej në mënyrë të pandërprerë dhe ndjeu vështirësi të mëdha në frymëmarrje.
Tentativa për atentat ka ndodhur në një kohë kur po qarkullojnë zëra për tensione familjare. Raportet tregojnë se gruaja e tij, Asma al-Assad, po kërkon divorcin dhe shpreh dëshirën për t’u zhvendosur në Londër.
“General SVR” pohon se ka arsye të forta për të besuar se atentati është një përpjekje e drejtpërdrejtë për të eliminuar liderin e rrëzuar sirian. Gjendja shëndetësore e Assad-it është stabilizuar të hënën, ndërsa incidenti mbetet i paqartë dhe pa konfirmim nga burime zyrtare.
Muajin e kaluar u zbulua se gruas së al-Asadit, Asma, i ishte ndaluar kthimi në Mbretërinë e Bashkuar. 49-vjeçarja, e lindur në Londër,nuk do të mund të kthehet në shtëpi pasi i ka skaduar afati i pasaportës.
Çifti iku nga kolapsi i Sirisë pasi dy dekadat në pushtet të Asadit u fshinë brenda pak ditësh nga rebelët e tërbuar.
Despoti rus Vladimir Putin – një mik i familjes – u ofroi atyre strehim ndërsa ata u arratisën të dëshpëruar në Lindjen e Mesme.
Por që nga mërgimi i tyre , ka pasur raportime që Asma dëshiron të kthehet në MB – dhe madje mund të jetë duke kërkuar divorc.
i.b./dita
