Strukturat e Bashkisë së Tiranës kanë nisur një aksion të dedikuar për rigjelbërimin dhe rikualifikimin e sheshit “Nënë Tereza”, një prej hapësirave më të rëndësishme publike të kryeqytetit.
Drejtoria e Përgjithshme e Punëtorëve të Qytetit dhe Agjencia e Parqeve dhe Rekreacionit janë angazhuar maksimalisht në këtë ndërhyrje. Pemët e thara dhe të dëmtuara janë hequr dhe zëvendësuar me fidanë të rinj, ndërsa sipërfaqet e gjelbra janë rikualifikuar dhe sistemuar.
Dita e Përkujtimit të Shën Terezës do ta gjejë sheshin e saj të rigjelbëruar dhe të transformuar.
Ky aksion është pjesë e angazhimit të Bashkisë së Tiranës për një qytet më të pastër, më të gjelbër dhe më të mirëmbajtur. Strukturat bashkiake do të vijojnë punën me intensitet të lartë për pastrimin, sistemimin dhe gjelbërimin e çdo zone të Tiranës që ka nevojë për ndërhyrje.
