Një automjet tip Benz ka dalë nga rruga në fshatin Bishnicë, Pogradec dhe dy persona, shoferi dhe pasagjeri kanë mbetur të plagosur.
Ngjarja ka ndodhur të shtunën rreth orës 04:18.
Dy të plagosurit janë në spital duke marrë ndihmën e nevojshme mjekësore.
Njoftimi i policisë:
Më datë 29.07.2023, rreth orës 04:18, në fshatin Bishnicë, Pogradec, shtetasi Xh. Ç., rreth 43 vjeç, duke drejtuar automjetin tip kamion “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi i mjetit dhe pasagjeri shtetasi L. Ç., 26 vjeç, të cilët u dërguan për ndihmë mjekësore në spitalin e Pogradecit.
Grupi hetimor po punon për përcaktimin e shkakut të aksidentit.
