Gjatë një interviste në studion e Abc News, analisti Frrok Çupi deklaroi se ngjarja e 21 Janarit të vitit 2011, ku mbetën të vrarë katër protestues, është një “krim kundër qytetarisë ose krim për të fshehur krimet”.
I pyetur për deklaratën e Berishës, i cili e quajti të falsifikuar komunikimin mes drejtuesve të Gardës për 21 Janarin, Çupi tha se Berisha ndodhet në panik prej kohësh që prej 9 shtatorit të 2021.
“Që nga 19 maji kur perceptoi se SHBA dinë gjithçka rreth tij. Dhe gjithçka është një depo gjigante me prova dhe fakte me monstra se çfarë ka kryer kur ka qenë në qeveri. Fakti që bën si nuk pranon asgjë do të thotë se është panik, e ka kuptuar se tashmë nuk hyn në punë asnjë argument që mund t’i paraqiste në kushte të tjera. Ka hyrë në rrugën që të hedhë bomba kundërshtimesh dhe kërcënimesh ndaj vendit dhe SHBA-ve”, tha Çupi.
Sipas tij, drejtësia është vonuar sepse në radhë të parë kur ndodhi krimi, nuk ndodhi rastësisht sepse qeveria kishte në dorë qeverinë armën, dhunën, prokurorinë dhe gjykatën. Ishte e pamundur se kush do të hetonte. SHBA qëndruan në atë moment dhe thanë stop, të mos bëjmë hap përpara se Berisha është i armatosur, si në një guvë ku njeriu që ka vrarë ka marrë peng gjithçka që ka shteti.
“Arvizu lëshoi një bombë tymuese për të neutralizuar Berishën si vrasës duke i thënë se është burrë shteti, ndryshe do të kishte marrë dhe institucione të tjera.
E dyta, është se 10 vjet që kaluan në një ahorancë tjetër, janë 10 vjet padrejtësi. Sot drejtësia është nën sundimin e Berishës sepse ka para.
Sot, provoi se Berisha lëshoi piskamën ndaj drejtësisë dhe tha se është një material i falsifikuar. Arsyeja tjetër është se fuqitë e mëdha, aleatët tanë po përgatisnin reformën në drejtësi dhe e gjithë ushtria e ujqërve u la në qetësi. Ditën që do të ndërtohet SPAK, të hapej Kutia e Pandorës.“, tha Çupi.
Nje foto qe flet sa nje milion fjale….