Presidenti i SHBA, Joe Biden shprehu skepticizëm në lidhje me deklaratën e homologut rus, Vladimir Putin se ai nuk kishte ndërmend të përdorte armë bërthamore në Ukrainë.
“Nëse ai nuk ka qëllim, pse vazhdon të flasë për këtë? Pse po flet për aftësinë për të përdorur një armë taktike bërthamore?”, tha Biden në një intervistë për NewsNation, shkruan Reuters.
“Ai ka qenë shumë i rrezikshëm në mënyrën se si i është qasur kësaj”, theksoi Biden.
Putin mohoi të enjten se kishte ndonjë qëllim për të përdorur armë bërthamore në Ukrainë.
Por e përshkroi konfliktin atje si pjesë e përpjekjeve të supozuara të Perëndimit për të siguruar dominim global, për të cilin ai këmbënguli se janë të destinuara të dështojnë.
j.l./ dita
