Aksidentet fatkeqe në bujqësi po kthehen në një dukuri të frikshme, teksa përditë ka viktima dhe të lënduar. Një ngjarje e rëndë ka ndodhur mbrëmjen e së djeshme në fshatin Shëndelli të Konispolit, ku një 22-vjeçar ka ndërruar jetë.
Viktima u identifikuar si Kristi Doda, i cili ka qenë duke ngarkuar bashkë me të atin, mjetin e tyre me stiva bari. Aksidentalisht ka rënë nga lartësia e stivës së barit ku ai ndodhej dhe për rrjedhojë është dëmtuar rëndë.
Menjëherë është transportuar në Spitalin e Sarandës, por nuk ka mundur t’i mbijetojë plagëve të marra dhe për rrjedhojë ka ndërruar jetë. Kristi Doda ishte njeri prej katër fëmijëve të Gjon Dodës, njëherësh edhe ndihma më e madhe e babait të tij.
