Ish-presidenti amerikan Bill Clinton dhe bashkëshortja e tij, Hillary, kanë kërkuar që dëshmitë e tyre para Kongresit mbi lidhjet me trafikantin e dënuar të seksit, Jeffrey Epstein, të jenë publike, duke argumentuar se një seancë me dyer të mbyllura do të ishte “si një gjykatë kangur”.
Çifti demokrat u thirr nga komiteti mbikëqyrës i Dhomës së Përfaqësuesve, i udhëhequr nga republikanët, që po heton lidhjet e Epstein me figura të fuqishme dhe trajtimin e krimeve të tij. Bill Clinton theksoi se një seancë e mbyllur mund të përdoret për qëllime politike, ndërsa Hillary Clinton deklaroi se çifti kishte ndarë tashmë atë që dinë dhe ishte gati për një proces publik.
Departamenti i Drejtësisë publikoi javën e kaluar më shumë se 3 milion dokumente, foto dhe video që lidhen me hetimin ndaj Epstein, i cili vdiq në 2019 ndërsa ishte në paraburgim. Clintonët janë përmendur në dokumente, por nuk ka prova që i implikojnë në aktivitete kriminale.
Ish-presidenti ka pranuar udhëtime me aeroplanin e Epstein për punë humanitare, por ka mohuar vizitat në ishullin privat të tij.
j.l./ dita
