Inteligjenca artificiale do të sjellë trazira të mëdha në të ardhmen e afërt sipas Bill Gates. Mediat e huaja raportojnë se sipas Gates kompanitë si Google dhe Amazon nuk do të jenë më të njëjtat.
Duke folur në një event të Goldman Sachs dhe SV Angel në San Francisko mbi temën e inteligjencës artificiale (AI), e cila tremb gjashtë në 10 amerikanë, Gates argumentoi se ndikimi i një asistenti personal të ardhshëm të pajisur me AI do të jetë aq i thellë sa që kompania që e zhvillon atë do të ketë një avantazh ndaj konkurrentëve.
Sipërmarrësi u fokusua në tre elementë themelorë që duhet të ndikohen nga kjo inteligjencë artificiale revolucionare dhe përfundimtare: motorët e kërkimit, produktiviteti dhe blerjet në internet.
“Nuk do t’ju duhet të ktheheni te një shfletues ueb ose Amazon ”, parashikoi ai.
o.j/dita
