Bill Gates tha së fundmi se ndalimi i avancimit të inteligjencës artificiale (AI) nuk do të ishte efektiv në trajtimin e sfidave që janë përpara.
Gjatë një interviste për Reuters, Gate deklaroi se do të ishte më mirë të përqendroheshim në mënyrën më të mirë të përdorimit të zhvillimeve në Inteligjencë Artificiale, pasi ishte e vështirë të kuptohej se si një pauzë mund të funksiononte globalisht.
Intervista e tij vjen pasi një letër e hapur që u publikua javën e kaluar dhe u nënshkrua nga Elon Musk dhe më shumë se 1,000 ekspertë të AI-s, kërkuan një pauzë urgjente në zhvillimin e sistemeve të AI-s.
“Unë nuk mendoj se të kërkosh një grup të caktuar të ndalojë (zhvillimin e AI) i zgjidh sfidat. Është e qartë se këto gjëra kanë përfitime të mëdha… ajo që duhet të bëjmë është të identifikojmë zonat e ndërlikuara.”- tha Gates.
Kujtojmë se Bill Gates ka qenë një përkrahës i fortë i inteligjencës artificiale dhe e ka krahasuar ndikimin e saj të mundshëm me internetin ose telefonat celularë.
o.j/dita
