Sekretari amerikan Antony Blinken ka zhvilluar sot biseda telefonike me kryeministrin e Kosovës Albin Kurti dhe presidentin serb Aleksandër Vuçiç. Shefi i qeverisë së Kosovës, me anë të një postimi në Tëitter ka bërë të ditur se në bisedë është folur mbi dialogun me Serbinë.
“Pata një bisedë shumë të mirë telefonike me sekretarin Blinken. E informova për progresin e vazhdueshëm në Kosovë. Biseduam për marrëdhëniet ndërmjet Kosovës dhe Serbisë dhe nevojën e intensifikimit të procesit të dialogut drejt një marrëveshjeje ligjërisht detyruese që ka në qendër njohjen reciproke”, ka shkruar Kurti.
Ndërkohë Presidenca serbe bën me dije se dialogu ka qenë temë bisedë edhe mes Vuçiç dhe Blinken.
“Tri temat kyçe të bisedës telefonike ishin çështja e Kosovës dhe dëshira e administratës amerikane për të arritur një zgjidhje sa më të shpejtë, pastaj marrëdhëniet e Republikës së Serbisë me Federatën Ruse, si dhe diversifikimi i burimet energjetike të vendit tonë. Sekretari i Shtetit, Blinken e informoi presidentin Vuçiç për domosdoshmërinë e arritjes së shpejtë të një marrëveshjeje me Prishtinën dhe presidenti Vuçiç prezantoi pikëpamjet e Republikës së Serbisë”, thuhet në njoftim.
a.m/dita
Javash, javash, behet shelegu dash.
eh si tallet amerika me shqiptarët(tër shqiptarët kudo në botë).
dialogu dmth paqja mbaron me njohjen reciproke.
pra ta bësh ujkun vuçiç një qengj. tipa shovinistë si vuçiç ia kanë kushtuar jetën e tyre shovinizmit dhe zor se ndrrojnë kthesë.
dhe amerika tallet. thot prisni hani mut. prisni që armiku tju dojë.
dihet ajo pun. kot amerika nuk e bëri jugosllavinë shtetin e tretë më të fuqishëm me ushtri. enkas për të shtypur shqiptarët e kosovës dhe për të synuar shqipërinë asokohe socialiste.
o shqiptarë. ende nuk e keni kuptuar që amerika është shtet imperialist dhe sheh vetëm interesat e veta. pra nuk i intereson amerikës të jemi mirë ne por të jemi keq. psh të mos prodhojm vet por të importojm.
e kuptoni tash o shqiptarë.mos prisni nga të tjerët.
lirinë tuaj duhet ta kërkoni vet. shtetin dhe sovranitetin e tij duhet ta ruani ju, jo të tjerët, jo NATO