Bullgaria ka mbetur pa mazhorancë qeverisëse të qartë, pas 5 zgjedhjeve brenda 2 viteve. Në zgjedhjet e sotme parlamentare, gjithsesi duket se në krye është GERB-i i qendrës së djathtë të ish-kryeministrit Bojko Borisov.
Megjithatë fakt është se dy forcat me më shumë mandate, GERB dhe grupimi i “djemve të Havardit” janë qartësisht pro Perëndimit dhe kundër Putinit. Partia Socialiste Bullgare, si e lëkundur në qëndrimin prorus, sidomos nga Presidenti i vendit Rudev, është goditur më shumë.
Radio Bullgaria në gjuhën shqipe thekson se Rezultatet e numërimit paralel të agjencisë sociologjike “Gallup International Balkan” – partner mediatik i BNR-së, me 90% protokolle të kontrolluara, tregojnë si më poshtë:
GERB-SDS: 25.7%, ose 70 mandate. “Po e vazhdojmë ndryshimin” – “Bullgaria Demokratike”: 24,9%, ose 67 mandate
Lëvizja për të Drejtat dhe Liritë (DPS): 14.1%, ose 38 mandate. “Vëzrazhdane”: 14.2%, ose 40 mandate Partia Socialiste Bullgare (BSP): 9.4%, ose 26 mandate
Nën barrierën prej 4 për qind për të hyrë në parlament mbeten: “Ka një popull të tillë” (ITN) – 3,9%, “Ngritja bullgare” – 2,9%, “E majta” – 2,3%
Aktiviteti është 39%. 4,1% e votuesve kanë votuar me “nuk mbështes askënd”, që, siç bëjnë shaka bullgarët, do të thotë se nëse ata që kanë votuar në këtë mënyrë do të kishin parti, do të kishin hyrë në parlament.
m.b./dita
