Që prej gushtit të vitit të kaluar fati i Ervis Martinajt ka mbetur mister. Një sërë skenaresh janë ngritur, ku disa pretedojnë se mbreti i lojërave të fatit është ekzekutuar nga rivalët e tij, ndërsa disa të tjerë thonë se ai është ende gjallë.
Por këngëtarja Fjolla Morina pretendon se e di kush është personi i cili qëndron pas zhdukjes së Martinajt dhe akuzon shtetasin me ininciale D.K, nga Shijaku.
“Ky është personi që bashkë me këlyshët e Ramushit, e dinë se ku e kanë çuar Ervis Martinajn dhe ca i kanë bërë. Edhe mua ca më kanë bërë deri më sot. Këta i dua në burg”, shkruan Fjolla.
Madje, ajo ka postuar dhe një pjesë nga një prej klipeve të këngëve të saj ku thotë se ora që mban në atë projekt muzikor ka qenë pikërisht e Ervis Martinajt.
“Kjo është ora e Vis Martinajt në dorën time, ma ka dhënë në klip. Këta e dinë çfarë kanë bërë me të dhe tani me mua dhe fëmijën tim çfarë duan të bëjnë”, shprehet këngëtarja. Pyetja që ngrihet për hetuesit tani, që u lind detyrimi ta pyesin këngëtaren kosovare, është se çfarë di Fjolla Morina për fatin e ‘mbretit të kumarit…? A ka ndonjë indicio dhe provë konkrete, apo thjesht i është bashkuar ‘sindromës’ së analistëve të gjithçkasë për pak klikime, frekuencë apo like dhe benefite të tjera…