Pas konfiskimit të pasurive të ardhura nga krimi, këto prona nxirreshin në ankand dhe mund të bliheshin sërish nga vetë pronarët e tyre.
Por kjo praktikë nuk do të ndodhë më. Me ndryshimet e bëra, ministri i Brendshëm Tulant Balla bën me dije se këto pasuri do të vihen në shërbim të institucioneve shtetërore.
“Ne kemi në ministrinë e Brendshme dhe Agjencinë e Administrimit të Pasurive të sekuestruara e Konfiskuara, ku kemi vendosur që një pjesë e madhe e pasurive të konfiskuara nga krimi t’i kalojnë në interes të viktimave të krimit. Ka pasur një praktikë që pasuritë e sekuestruara merreshin e dilnin në shitje dhe shkonin tek ai që i kishte për fat të keq. Kjo nuk do të ekzistojë më. Agjencia nuk do të shesë më prona të tilla, por do i përdorim më së shumti për këto qëllime të vënies në dispozicon të institucioneve shtetërore. Është e papramueshme që institucionet shtetërore që qëndrojnë me qira dhe të shesësh pronat e sekuestruara“, tha Balla gjatë ditës së sotme.
p.k\dita
