Shpesh herë në sipërfaqen e Diellit shihen njolla të errëta, të cilat sipas ekspertëve shkaktohen nga përqendrimet e fluksit magnetik.
Fenomeni i rritjes së aktivitetit magnetik të Diellit mund të ketë pasoja në fushën magnetike të Tokës dhe mund të ndërhyjë në funksionimin e satelitëve dhe rrjeteve tokësore të energjisë elektrike. Aktualisht mes shkencëtarëve vijon ende debati për të kuptuar nëse njollat e diellit mund të ndikojnë apo jo në klimën e Tokës.
Çfarë janë njollat e diellit
Njollat diellore janë zona me një fushë magnetike 2500 herë më të madhe se ajo e Tokës dhe madje më e madhe se kudo tjetër në vetë Diellin. Ato priren të ndodhin në çifte që kanë fusha magnetike të drejtuara në drejtime të kundërta.
Shkaku pse janë të errëta
Ngjyra e errët e njollave të diellit është për shkak të faktit se sipërfaqja rrethuese e Diellit është rreth 10,000 gradë Fahrenheit, ndërsa zona me hije është rreth 6300 gradë Fahrenheit. Madhësia e tyre ka një madhësi mesatare të barabartë me atë të Tokës.
A ndikojnë njollat e diellit në klimën e Tokës?
Komuniteti shkencor është ende i ndarë nëse njollat e diellit ndikojnë apo jo në klimën e Tokës. Edhe pse ka studime që janë përpjekur të demonstrojnë mosinfluencën e aktivitetit të tyre, duket se nuk ka dyshim se prodhimi i energjisë diellore ndikon në klimën e tokës. Megjithatë, shkalla e ndikimit për shkak të ndërveprimeve tokësore dhe oqeanike në Tokë mbetet në dyshim.
p.k\dita
