Qyteti portugez i Portos është renditur i pari si qyteti më i përballueshëm në Evropë për studentët.
Një përfundim i tillë është arritur përmes renditjes StudentGoGlobal të këtij viti, e cila ka marrë parasysh gjithsej 250 qytete në gjithë botën, shkruan SchengenVisaInfo.com .
Porto, i cili është qyteti më i madh në Portugali, është i njohur edhe për Universitetin e Portos, i cili tërheq një numër të madh ndërkombëtarësh, si dhe Institutin Politeknik të Portos.
Sipas renditjes, qyteti i dytë më i përballueshëm në Evropë për studentët është kryeqyteti i Republikës Çeke, Praga, i ndjekur nga Madridi.
Sipas raportit, dhjetë qytetet evropiane të mëposhtme janë konsideruar si më të përballueshmet për studentët:
Porto, Portugali
Pragë, Republika Çeke
Madrid, Spanjë
Barcelona, Spanjë
Birmingham, Mbretëria e Bashkuar
Leeds, Mbretëria e Bashkuar
Belfast, Mbretëria e Bashkuar
Glasgow, Mbretëria e Bashkuar
Goteborg, Suedi
Edinburgh, Mbretëria e Bashkuar
Anketa tregon se nga totali, pesë nga dhjetë qytetet e renditura në pozicionet e para janë në Mbretërinë e Bashkuar.
a.m/dita
