Manchester City ka zbritur në fushën e stadiumit “Ataturk”, në Stamboll, ku të shtunën në mbrëmje do të përballet me Interin në finalen e Champions League.
Anglezët kanë zhvilluar seancën stërvitore, ku i pranishëm ishte edhe Kyle Walker, i cili duket se e ka kaluar problemin dhe do të jetë në dispozicion të Guardiolës për finalen e madhe.
Kështu pas Interit, edhe Manchester City është “prezantuar” me fushën ku do të luajë këtë të shtunë.
Pas konferencave për shtyp të trajnerit Simone Inzaghi, dhe lojtarëve Hakan Calhanoglu, Matteo Darmian dhe Lautaro Martinez, edhe Interi zbriti në fushë në stadiumin “Ataturk” në Stamboll.
Sipas raportimeve të medieve italiane, skuadra “zikaltër” u “prezantua” me fushën ku do të luajë finalen e Champions League.
Këtë të shtunë në orën 21:00 Interi do të përballet me Manchester City-n në finalen e Champions League, për trofeun më të rëndësishëm të kompeticioneve europiane për klube.
