Një deklaratë e fortë e ish-kongresmenes republikane Marjorie Taylor Greene ka trazuar ujërat politike në SHBA dhe në arenën ndërkombëtare. Në një postim në platformën X, Greene ka pretenduar se zyrtarë të lartë të administratës së presidentit Donald Trump po zhvillojnë takime strategjike për të diskutuar mundësinë e sulmeve ushtarake bërthamore ndaj Iranit.
“Nuk po speculoj, e di. Dhe kjo është e keqe e pastër” (It’s pure evil), shkroi Greene, duke e cilësuar këtë situatë si një ulje të rrezikshme të pragut për përdorimin e armëve të shkatërrimit në masë.
Ajo akuzoi administratën se po injoron vlerësimet e inteligjencës së brendshme amerikane — të cilat sipas saj tregojnë se Teherani nuk është pranë ndërtimit të një arme bërthamore — dhe se po mbështetet mbi presionin dhe paralajmërimet e Izraelit. Ish-ligjvënësja paralajmëroi se një përshkallëzim i tillë mund të çojë në një “holokaust bërthamor” global me pasojat më të rënda ekonomike dhe njerëzore në histori, duke i bërë thirrje publikut t’i japë fund “çmendurisë”.
Deklarata e Greene vjen në një moment mjaft kritik në Ngushticën e Hormuzit, ku skadimi i afatit 60-ditor të memorandumit SHBA-Iran nuk solli një marrëveshje përfundimtare. Sidoqoftë, Greene nuk ka paraqitur provë ose dokument që të mbështesë pretendimet e saj, ndërsa nga Shtëpia e Bardhë dhe Pentagoni nuk ka pasur asnjë konfirmim apo ndryshim të deklaruar në doktrinën bërthamore të SHBA-së.
Videoja e mëposhtme nga Crux ofron detaje të mëtejshme mbi deklaratën e ish-deputetes Greene dhe reagimet ndaj pretendimeve të saj.
o.peci / dita
E sulmuan kot Iranin.Djalli po flinte,keta vajten e zgjuan.Dili zot tani,or Trap!
Trapi keshtu e ka shtyre tere jeten