Cristiano Ronaldo kishte vështirësi në jetën e tij të dashurisë para se të vinte Georgina Rodríguez. I tillë ishte dëshpërimi i tij për të marrë numrin e telefonit të një vajze që i pëlqente, saqë i kushtoi mjaft e shtrenjtë. Sipas ‘The Sun’, pasi e pa në programin ‘X Factor’, ylli i futbollit ra në dashuri me Kimberly Wayt, këngëtaren e ‘Pussycat Dolls’ dhe bëri gjithçka që ishte e mundur për të dalë me të.
Rod Thornley, ish-masazheri i Manchester United gjatë kohës së parë të portugezit në klubin ‘Old Trafford’, ishte ai që i bëri atij nderin për t’i marrë numrin e telefonit bukuroshes, në këmbim të një avantazhi joshës. Ai ishte i shpejtë dhe dinte të negocionte mirë me informacionin që kishte. Një marrëveshje që e bëri atë të merrte një ‘Porsche Carrera’, 60,000 paund atëherë më 2009, me një çmim shumë të mirë: për 30 mijë paund. Kështu tha gjatë një interviste në podcastin ‘Undr The Cosh’, ku gjithashtu raportoi se shitja ishte zyrtarizuar në fund të sezonit. “Atë sezon do kalonte te Reali. E pa te programi ‘X Factor’ dhe më tha se kush ishte ajo vajza bukuroshe. Ia tregova. Më tej kërkoi numrin e saj dhe më tha se nëse do ia gjeja, do më jepte makinën Porsche për 30 mijë paund. Ia gjeta për 10 minuta dhe i kujtova marrëveshjen. Po më tha dhe i pagova paratë direkt. Më e forta? Ditën tjetër e shita dyfishin; 60 mijë paund dhe kam bërë pushime luksoze në Maldive atë vit”, kujton Rod.
