Çmimet e biletave të avionëve pritet të rriten në muajt e ardhshëm për shkak të asaj që ekspertët e quajnë si “ndërprerja më e madhe në historinë e tregut të energjisë”, e lidhur me problemet në furnizimin me naftë dhe gaz përmes Ngushticës së Hormuzit.
Gjatë një seance dëgjimore në Komitetin e Thesarit në Parlamentin britanik, ekspertja e tregjeve të energjisë Amrita Sen, themeluese dhe drejtoreshë e analizave në kompaninë Energy Aspects, tha se situata aktuale përbën një tronditje historike për tregun global të energjisë.
Sipas saj, megjithëse rritja e çmimeve nuk është ende aq e rëndë sa gjatë pushtimit të Ukraine nga Rusia në vitin 2022, sektori më i goditur aktualisht është karburanti i avionëve.
“Është vërtet çmenduri ajo që po ndodh në tregun e karburantit për avionë,” tha Sen. Ajo shpjegoi se një pjesë e madhe e prodhimit të këtij karburanti bëhet në Lindjen e Mesme dhe në Azi, dhe për momentin është shumë e vështirë të gjenden burime alternative për të përmbushur kërkesën.
Rreziku për transportin detar në Ngushticën e Hormuzit ka bërë që nafta bruto të mos kalojë normalisht, gjë që ndikon drejtpërdrejt në prodhimin e karburantit për avionë.
Si pasojë, ekspertët presin rritje të ndjeshme të çmimeve të biletave, të cilat mund të zgjasin të paktën për disa muaj.
Keto i rrisni,sidomos avionave.
Kjo eshte dicka mese e natyrschmesi cdo firme dhe avjonat presin qe te kete nje justifikim te vogel per te rritur cmimet,
Ndekohe qe ne moment po ndodh e anasjellta shume pushues i ka kapur firka dhe kane stornuar fluturimet e gjata sidomos ato ne zonen arabike. Qari i vendeve mediterrane perjashto ketu turqin.