Covid-19 nuk është ende një kapitull i mbyllur në 22 vende të botës, madje në Indi i janë rikthyer detyrimit për të mbajtur maskë në fytyrë për të rritur mbrojtjen.
Rritja e numrit të infeksioneve vjen si pasojë e variantit të ri të Omicron, i quajtur “Arcturus”. Nga ana tjetër, Organizata Botërore e Shëndetësisë po monitoron përhapjen e saj.
Ajo që mësojmë nga shkencëtarët, është se emri i tij zyrtar është XBB.1.16 dhe se është shumë infektues dhe potencialisht më patogjen se variantet e tjera në qarkullim, duke u shtrirë nga vendet e Azisë, deri në Europë.
Shumica e mostrave të XBB.1.16 vijnë nga India, ku virusi është bërë dominues. Rastet javore të Covid-19 në vend janë më shumë se dyfishuar javën e kaluar. Duke u përballur me të dhënat më të rënda në shtatë muaj, autoritetet po përgatiten për mundësinë e një kulmi së shpejti.
Më 11 prill, u mbajtën seanca përgatitjeje në spitalet publike dhe private në të gjithë Indinë për të verifikuar shkallën e gatishmërisë së objekteve shëndetësore për një rritje të papritur të virusit.
Është kontrolluar disponueshmëria e shtretërve, oksigjenit, njësive të kujdesit intensiv, pajisjeve dhe të gjitha materialeve të nevojshme për të luftuar përhapjen e Covid.
Nënvarianti Omicron XBB.1.16 njihet si jo-vdekjeprurës dhe jo shumë serioz, por rritja e shpejtë e numrit të pozitivëve të rinj është shqetësuese.
Autoritetet indiane kanë ftuar rajone të ndryshme në vend për të rritur vëmendjen dhe numrin e testeve dhe vaksinimeve molekulare.
Disa shtete kanë rivendosur detyrimin për të veshur maska në vende publike dhe për të ndjekur protokollet e sigurisë.
“Gjatë dy ditëve të fundit, ne kemi filluar të marrim përsëri raste pediatrike me Covid pas një hendeku prej gjashtë muajsh”.
Kështu shkroi më 6 prill në Twitter pediatri Vipin M. Vashishtha (ish-koordinator i Akademisë Indiane të Pediatrisë dhe anëtar i iniciativës së Rrjetit të Sigurisë së Vaksinave të OBSH-së), duke paralajmëruar për variantin XBB.1.16.
Në fakt, shumë fëmijë janë prekur nga varianti, madje “foshnjat me temperaturë të lartë, të ftohtë dhe kollë dhe konjuktivit kruarje dhe skuqje të syve, simptoma të pavërejtura në valët e mëparshme”, shpjegoi eksperti.
o.j/dita
