Vendet perëndimore festuan sot Ditën e Nënës, por postimi i ish-presidentit amerikan Donald Trump ka qenë ndër më të çuditshmit, teksa i është drejtuar atyre të kampit të tij rival politik.
Por teksa tentonte të godiste administratën demokrate, të cilën e quante “fashistë të majtë radikalë”, kritikët vërenin se ai harroi të përmendte gruan e tij Melania, nënën e djalit të tij më të vogël Barron.
Ish-presidenti shkruante në rrjetin e tij Truth Social: “Gëzuar ditën e nënës të gjithëve, veçanërisht nënat, gratë dhe të dashurat e Radikalëve të Majtë fashistë, marksistë e komunistë që po bëjnë gjithçka kanë në dorë për të shkatërruar e fshirë vendin tonë, dikur të madh”.
Trump vazhdonte më tej: “Juve ju lutem t’i bëni pak më inteligjentë e të sjellshëm këta të çmendur, në mënyrë që ne ta bëjmë Amerikën Përsëri të Madhe!!!”
m.b./dita
