10 orë negociata nuk arritën ta bindnin Ramiz Muçollarin të dorëzohej tek forcat RENEA.
62-vjeçari, i cili që prej orës 23:00 të së premtes qëndronte i mbyllur në banesën e tij, u ekzekutua nga forcat RENEA pas shkëmbimit të zjarrit që pati me efektivët e forcës elitë të policisë.
Muçollari kishte municion të madh me vete, duke rrezikuar kështu jetën e efektivëve.
Para se të mbyllej në shtëpi, ai plagosi gruan e djalin. Plumba lëshoi edhe mbi policinë lokale të Maliqit.
Mësohet se autori i ngjarjes Ramiz Muçllari një ditë më parë (dje paradite) është dërguar në spitalin e Korçës pasi kishte shfaqur probleme. Neurologu ka vlerësuar gjendjen dhe ka kërkuar të niset drejt Elbasanit.
Pasi është dërguar në Elbasan e kanë rikthyer sërish në banesë, por nuk dihen rrethanat shëndetësore. Pasi është kthyer në banesë, në orët e pasdites dhe më vonë ka nisur sherri në familje.
Mësohet se prej 20 vitesh, ai mjekohej me antidepresivë, por nuk ka pranuar të shtrohet në asnjë kohë.
j.l./ dita
