Ishujt Faroe janë një arkipelag i vogël autonom me 18 ishuj, pjesë e Mbretërisë së Danimarkës. Ka pavarësi për disa gjëra. Një gjë që vlen të përmendet, skuadra e saj e futbollit luan rregullisht kualifikueset e Kupës së Botës dhe Europës. Ata janë gjithashtu të lirë të nënshkruajnë marrëveshje tregtare. Një nga burimet kryesore të të ardhurave të tyre është peshkimi. Dhe këtu vjen polemika… sepse Faroet kanë një marrëveshje me Rusinë. Marrëveshja i lejon peshkatarët të peshkojnë për merluc në Detin Barents, ndërsa peshkatarët rusë mund të peshkojnë në detin e Faroes. Kjo është ajo që quhet “zonë e veçantë”. Dhe kjo nuk i pëlqen Lars Lokke Rasmussen, ministri i Punëve të Jashtme të Danimarkës, i cili tha se nëse duan të jenë më afër Bashkimit Evropian, duhet të konsiderojnë “me kujdes” marrëveshjen e tyre të peshkimit me Rusinë. Në vitin 2022, qeveria e Torshavn, kryeqyteti i Faroeve, vendosi sanksione ndaj Rusisë për herë të parë, por ato e lanë të paprekur marrëveshjen e peshkimit. Sepse historikisht, që nga ditët e Bashkimit Sovjetik, Ishujt Faroe kanë pasur marrëveshje tregtare me Rusinë dhe ato vazhduan edhe në epokën post-sovjetike. Ata nënshkruan disa bashkëpunime tregtare, e fundit në vitin 2018 dhe Faroet, duke qenë jashtë Bashkimit Europian, nuk i panë të prekura marrëdhëniet e tyre me Rusinë pas shpërthimit të luftës. Por Danimarka kërkon më shumë përfshirje, në mënyrë që arkipelagu të afrohet më shumë me BE-në, me të cilën ka pasur pikërisht përplasje për politikat e saj të peshkimit të harengës dhe skumbrit (kishte një bojkot europian më 2013). “Ndoshta është e vështirë të imagjinohet se të dyja palët mund të mbajnë një marrëdhënie kaq të veçantë dhe në të njëjtën kohë (Ishujt Faroe) mund të thellojnë marrëdhëniet e tyre me Evropën”, tha Rasmussen. Kryeministri i ishujve, Aksel Johannesen, dënoi hapur sulmin e Rusisë ndaj Ukrainës. “Ne jemi kundër kësaj lufte ashtu si pjesa tjetër e botës. Megjithatë, peshkimi dhe menaxhimi i peshkimit janë thelbësore për ne. Është pothuajse 100% e jetesës sonë”, shpjegoi Árni Skaale, Ministër i Peshkimit, i një vendi në të cilin vetëm një kompani peshkimi (Bakkafrost) ka vendosur të ndalojë çdo ndërveprim me Rusinë.
Kerko
