Raporti i Departamentit Amerikan të Shtetit konstaton se problemi kryesor kundër terrorizmit në Maqedoninë e Veriut në vitin 2021 ishte kthimi i luftëtarëve të huaj nga Siria dhe Iraku.
Sipas Raportit të Departamentit Amerikanë të Shtetit, për terrorizimin në vitin 2021 kërcënimi për sulme terroriste në Maqedoninë e Veriut është “mesatarisht e lartë” ose “i mesëm”.
Kthimi i luftëtarëve të huaj terroristë në RMV, kurse aktivitete të tilla janë shënuar edhe në Kosovë, paraqitet si problematike, sipas raportit, për shkak të mundësisë që këta persona të realizojnë celula të dhunshme ekstremiste, plane për sulme dhe të radikalizojnë persona të tjerë.
”Korniza juridike e RMV-së është adekuate për ndjekje të personave të dyshuar në aktivitete terroriste. Ligji për ndëshkim mbetet sfidë, por është përmirësuar në krahasim me vitet paraprake, kurse dënimet me burg janë më të gjata se sa në vendet e tjera të Ballkanit Perëndimor”, thuhet në raportin e DASH-it.
Maqedonia e Veriut, siç thuhet në raport, është pjesë e institucioneve për luftë kundër terrorizmit financiar, si trupi rajonal “Moneywall”. Zyra e intelegjencës financiare në RMV, në vitin 2021 ka pranuar 5 rasporte të bankave për shkak të dyshimeve për financimin e terroristëve, kurse lidhur me këtë, shërbimeve kompetente u ka dorëzuar 11 raporte.
Sipas Komisionit Kombëtar për luftë me ekstremizmin e dhunshëm dhe terrorizmin, rreth 143 qytetarë të RMV-së gjatë viteve të kaluara kanë udhëtuar në Siri dhe Irak për t’iu bashkangjitur grupeve terroriste. Prej tyre, 133 janë burra, 10 gra, 38 janë vrarë, 79 janë kthyer, për 5 mendohet se kanë mbetur në Siri dhe dy janë të burgosur në kampin e refugjatëve.
m.b./dita
