Një detektive private pretendon se numri i kërkesave për të ditur rreth jetës së partnerëve është rritur nga të dy gjinitë.
“Në fillimet e mija kanë ardhur femrat më shumë, ishte një përqindje e madhe femrash që kishin dyshime për bashkëshortët, tani është rritur numri i kërkesave të meshkujve, që duan të dinë për partneret e tyre”,– tha ajo në një emision TV.
Ndryshimi kryesor mes meshkujve dhe femrave, sipas saj, është se meshkujt duan të marrin më shumë informacion kur janë në proces divorci, ndërsa femrat, gjatë gjithë kohës.
“Burrat vijnë me një qëllim të caktuar, ose janë në një proces divorci ose marrëdhënia e tyre ka mbaruar. Duan prova sidomos kur bëhet fjalë për fëmijët dhe për pasurinë. Ndërsa femra ka më shumë atë egon, për të ditur nëse ka sekrete bashkëshorti”, shton hetuesja private.
“Tek unë vjen në fakt mosha 35 e lart, jo të rinj, më shumë familjarë”, tregon dedektivja.
E pyetur se kur ka më shumë kërkesa për këto lloj hetimesh private, dedektivja tha: “Gjatë verës. Në atë kohë vijnë emigrantët. Ata i trazojnë shumë këto ujëra”.
o.j/dita
