Presidenti i Serbisë Aleksandër Vuçiç ka paralajmëruar se po afrohet momenti që Serbia nuk do të ketë zgjidhje tjetër veç ti dorëzohet kërkesave të Perëndimit për të sanksionuar Rusinë.
Mediat ruse citojnë presidentin Vuçiç në një intervistë dhënë të premten ku është shprehur se pritet një përshkallëzim i madh në konfliktin në Ukrainë gjatë gjashtë muajve të ardhshëm. Sipas Vuçiç, luftimet e deritanishme do të ndihen si pothuajse asgjë, krahasuar me atë që do të vijë.
“Kjo situatë do të ndikojë në vendin tonë pasi presioni ndaj Beogradit, në lidhje me marrëdhëniet e tij me Rusinë, do të bëhet dy ose tre herë më i ashpër, pavarësisht se tashmë është e forte”, tha Vuçiç.
Sanksionimi i Moskës për operacionin e saj ushtarak në Ukrainë dhe njohja e pavarësisë së provincës separatiste të Kosovës janë veçuar nga Brukseli si kushte kyçe për ofertën e Beogradit për t’u anëtarësuar në BE, ka shkruar “Russia Today”.
Vuçiç, i cili ka refuzuar të dyja kërkesat për muaj të tërë, tani thotë se mund të vijë momenti kur Beogradit do t’i duhet të bashkohet me BE-në për ndalimin e Moskës.
“Le të shtyjmë kështu sa të mundemi. Momenti kur Serbia do sanksionojë Rusinë po afrohet. Kam frikë se mund të ndodhë në më pak se një muaj”, tha presidenti serb.
m.b./dita
