Kosova u trondit nga një ngjarje e rëndë, ku e vrarë mbeti 21-vjeçarja Erona Cokli. Autor i krimit është ish-bashkëshorti i saj, 36-vjeçar Valon Aliu.
Të pranishëm gjatë momentit tragjik kanë qenë vëllai i të ndjerës, i cili mbeti i plagosur dhe Adelina Rexhepi, drejtoresha e Qendrës për Punë Sociale në Ferizaj. Ajo ka treguar për mediat kosovare se si nisi konflikti.
Rexhepi tha se i dyshuari për vrasjen e Coklit kishte shkuar për ta marrë fëmijën e tij dhe se nuk kishin konflikte me bashkëshorten, por me tu kthyer sërish te qendra ka filluar konflikti, i cili përfundoi me vrasje.
“Realisht nuk kanë pasur konflikte, ka ardhur bashkëshorti për të marrë fëmijën e tij nga ora 13:00, ka diskutuar me ata të qendrës për punë sociale, e ka marrë djalin dhe ka dalë jashtë, është kthy prapë dhe është takuar jashtë institucionit me bashkëshorten e tij dhe të dy bashkë kanë ardhur prapë në qendër dhe nga aty ka filluar konflikti. Kanë qenë partnerë pa kurorë dhe kanë bërë kërkesë për divorc”, tha Rexhepi.
Edhe kryeministri i Kosovës, Albin Kurti ka reaguar lidhur me ngjarjen e rëndë që ndodhi dje. Përmes një reagimi në rrjetet sociale, Kurti shkruan se nuk ka pse t’i dijë detajet, por kërkon që drejtësia të veprojë pa vonesa.
b.m/dita
