Partia Demokratike zhvillon sot Primaret. Anëtarësia dhe simpatizantët do të zgjedhin mes disa emrave, ndërsa kandidati me numrin më të madh të votave do të vendoset përballë kandidatëve të PS për 61 bashkitë. •Votimet kanë nisur në orën 08:00 dhe do të mbyllen në orën 18:00.
Demokratët kanë nisur votimet në Durrës, Fier, Lushnje dhe Korçë.
Në Lezhë nuk ka nisur ende votimi për kandidatët e primareve, për shkak të problemeve me listat e anëtarësisë. Komisioni i votimit po verifikon listat, e ndërsa pjesë janë edhe simpatizantët në pritje për të votuar pranë palestrës së gjimnazit “Hydajet Lezha”.
Në Tiranë, gara është mes Belind Këlliçit, Ilir Alimehmetit, Gert Bogdanit, Adriana Kalaja, Julian Dedës, Enkelejda Fejzos dhe Fatmir Merkoçit.
Në Elbasan dhe Shkodër, në Primaret e PD kandidojnë vetëm Luçiano Boçin dhe Bardh Spahia, ndërsa në Durrës, Armand Dervishi dhe Igli Cara.
Në bashkinë e Krujës janë 11 kandidatë.
Në Bashkinë Kurbin, nga 7 kandidatë që ishin tashmë kanë mbetur vetëm 5 për shkak se Rithemelimi i përjashtoi 2 që ishin protagonistë në konflikt me armë zjarri pak ditë më parë.
Dy kandidatë të primareve për Bashkinë e Kurbinit Alfred Dajçi dhe Edmond Shkoza janë përjashtuar nga gara e 4 dhjetorit. •Numër të lartë kandidatësh kanë edhe Librazhdi me 6 kandidatë, Selenica 6, Dibra 6, Mirdita 6, Lezha 6, Fushë-Arrëzi me 5 kandidatë, e po me 5 edhe Saranda, Tropoja, Fieri, Mati.
Kandidatët duhet të marrin gjysmën e votave të anëtarëve, pasi sipas rregullores së miratuar nga PD nëse kandidati nuk merr mbi 50% të votave, dy më të votuarit shkojnë në rivotim.
Primaret në PD nuk organizohen në Himarë, Finiq e Dropull.
j.l./ dita
Vazhdon historia me familje qe nje vella e kishin ballist dhe nje partizan.
Kete me kujtoi edhe votimi ne PD sot i Anna Shkrelit, vajzes se funksionarit socialist.
Ky Belind Kerrici para se te lidhej, i ka kerkuar asaj qe te nderronte fene politike. Dashurine e kesaj per Belindin edhe e kuptoj, por dasburia per PD-ne nga i doli? Y-ëah!