Prindërit e 3 vjeçarit Brian Spahiu kanë kërkuar përjashtimin e Alma Felaj si prokurore që po heton dosjen e vdekjes së të miturit pas kontrolleve dentare në klinikën e mjekut Roland Xhaxho.
Këtë hënë ata kanë patur një takim me drejtuesin e Prokurorisë së Tiranës ku i kanë paraqitur edhe dokumenta ku pretendojnë se prokurorja nuk ka vepruar megjithëse klinika “Splendent” ka qenë e pa licencuar në momentin që djali është kontrolluar.
Ata kanë paraqitur në Prokurori rezultatet e një inspektimi që bërë nga Inspektoriati Shtetëtor Shëndetësor menjëherë pas ngjarjes, i cili ka rezultuar se subjekti në fjalë nuk ishte i pajisur me licencë për ushtrimin e aktivitetit në shërbime mjekësore dhe stomatologjike në kohën kur ka kryer ndërhyrjen.
Në bazë të dokumentit, ku bazohet babi i të ndjerit, në të thuhet se klinika është pajisur me licensë rreth 1 muaj pas vdekjes së të miturit, pra me 31 tetor.
Po në dokumentin ku bazohet babai i të ndjerit, në të cilin shkruhet se ndaj klinikës është vendosur, masë administrative për shkelje të ligjit përkatës.
Nga ana tjetër vajza e Roland Xhaxhos, Ina Xhaxho ka ankimuar këtë masë, por sërish është lënë në fuqi.
I vogli, Brian Spahiu, i gjeti vdekjen në reanimacionin e pediatrisë në QSUT më 1 tetor, 3 ditë pas ndërhyrjes në klinikën private Splendent, brenda ambjenteve të spitalit privat të Zemrës në Tiranë.
Babë e bijë, Roland dhe Ina Xhaxho janë në hetim në gjendje të lirë nga akuza e Tiranës për veprën penale “Neglizhenca ne trajtim mjekësor”, që konsiderohet kundërvajtje penale dhe si e tillë në fazën fillestare nuk pranon masë sigurisë “arrest në burg”.
j.l./ dita
VJEN ERA MISH DHIE. SI BEFSHIN GJETSHIN , MJEKET , PROKURORET DHE GJYQTARET
Duhet te shkarkohet i gjithe zinxhiri drejtues i cili e ka patur per detyre zbatimin e ligjit persa i perket veprimit te klinikave private si ekip ne rastin me te mire i paafte dhe ne rastin me te keq i korruptuar.Mjaft u tallet me kete popull eshte kaluar “vija e kuqe”,ka ardhur koha e nje “revolucioni “ne fushen e shendetesise ku bluzat e bardha te njohin burgun ,gjobat marramendese,apo gjygjet e hapura ndaj maskarenjeve me bluza te bardha qe “te rrjepin lekuren”nqs nuk paguan dhe kjo ne mes te dites hapur me ndertesat,pajisjet,ilaçet,çarçafet,pastrimet e paguara me leket e popullit.PS.Kujdes me mjeket e ardheshem te cilet ju thençin mjeke pasi ketij brezi i intereson vetem leku dhe duan te perfitojne studimet ketu po te sherbejne ne Gjermani etj pa pyetur per shendetin e ketij populli .Atehere perse duhet te paguajme per keta mercenare…