“Na tha që donte nuse në Shkodër, fëmijët e thërrisnin gabeli”, rrëfimet e banorëve të fshatit ku u fsheh për dy muaj vrasësi i Nikulajt

DITA ka publikuar sot detaje nga vrasja e Ardian Nikulajt në Shëngjin. Vrasësi, një portugez racë-perzier afro-europian, me emrin Ruben Saraiva ka hyrë në Shqiperi në mënyrë të rregullt me linjë ajrore.

Ai është larguar menjëherë pas krimit nga një pikë e kalimit kufitar në rrugë tokesore, në jug-lindje të vendit.

Vrasësi ka hyrë në Shqipëri më datë 11 shkurt 2023 dhe nuk është larguar deri në mbrëmjen e 19 prillit 2023.

Për më shumë se dy muaj, vrasësi ka qendruar në Kakarriq, por është parë të lëvizë edhe në Lezhë apo Shëngjin, me sa duket për të planifikuar atentatin, përzgjedhur vendin më të përshtatshëm ku mund të bëhej goditja dhe për të vëzhguar mënyrën se si mbrohej Nikulaj.

Ai ka zgjedhur të qëndrojë në një fshat si Kakariqi, jo në hotelet e shumta në Shëngjin apo Lezhë ku mund të terhiqte më shumë vëmendjen dhe të ekspozohej.

Për të justifikuar faktin pse ndodhej në Shqiperi, madje në një fshat si Kakarriqi, ai përdori një alibi. Banorëve të fshatit u ishte thënë se “mulati” i ardhur nga jashtë, kishte rënë në dashuri me një vajzë nga Shkodra. Por familja e vajzës nuk e kishte pranuar lidhjen e tyre pasi ai ishte racëpërzier.

Për t’i qendruar afër të “dashurës” dhe për të patur mundësine e takimit me të, ai kishte vendosur të qëndronte në një fshat jo shumë larg nga Shkodra. Madje vrasësi kishte nisur të thirrej nga fëmijet e fshatit Kakarriq, me nofkën “gabeli”.

Banorët kanë treguar se ai u zhduk nga qarkullimi dhe nuk u pa askund për dy javë me radhë, perpara se të kryente atentatin mesditen e të mërkurës së 19 prillit.

Kurse vëzhguesi që e ndihmoi ishte një anglez nga Birmingham me 27 precedentë penalë. Ky personazh do shërbente si syri i vrasësit. Ai do gjente momentin e duhur kur vrasesi do të futej në skenën e krimit me përqindjen më të lartë për të realizuar atentatin dhe më pas të largoheshin pa rrezik nga skena e krimit.

Mesnaten e të dielës së 10 prillit, duke hyrë dita e hënë 11 prill 2023,  shtetasi britanik, Steven Hunt nga qyteti i Birmingham, zbriti me linjë ajrore në aeroportin e Rinasit. Më pas ka udhëtuar drejt qytetit të vogël bregdetar të Shëngjinit.

j.l./ dita