Një krim brenda familjes ka tronditur kryeqytetin paraditen e të mërkurës në zonën e Paskuqanit.
Paraprakisht raportohet se ka qenë dhëndri që ka qëlluar me armë drejt familjes së gruas.
Dan Hutra është personi që ka qëlluar me armë zjarri, duke lënë të paktën dy viktima, ndërsa dy të tjerë janë plagosur.
Mësohet se Hutra u ka prerë rrugën familjarëve të gruas dhe ka qëlluar mbi ta.
Deri më tani mësohet se një nga viktimat është vjehrri i Hutrës, ndërsa tjetra është një grua.
Autori, 35-vjeç është arratisur pas krimit.
Paraprakisht, dyshohet se ish-dhëndri ka hyrë brenda banesës dhe i ka qëlluar me breshëri kallashnikovi.
Policia ka shkuar në vendin e ngjarjes dhe pritet një njoftim zyrtar.
j.l./ dita
Nuk e kuptoj, edhe pse kam aresimin e mjaftueshem dhe moshen, cili eshte qellimi i publikimit te te dhenave te hollesishme per kete kriminel, gjaksor dhe kafshe me fytyre njeriu?!
Gazeta DITA nuk nderohet dhe as shton klientet dhe dashamiresit e saj me kete metode agresive, me plot te dhena kriminale, qe tmerrojne te rinj dhe pleq.
As botimi i komenteve banale, me fjale te piseta, pa asnje lloj argumenti, pa nje pikë kulture minimale nuk ia vle te botohet nga kjo gazete e nderuar.
Lexuesit kerkojne te dine me shume informacion per vlerat e ketij populli, per kulturen, per gjuhen, per historine, per heronjte e te shkuares dhe ata aktuale (nese ka te tille sot), per evidentimin e puneve te mira ne interes te publikut, per edukimin, shkollimin, shendetesine, per jeten e pensionisteve dhe pensionet e tyre etj. etj. U jepni mundesine publikimit te vlerave te ketij populli.
Vetem duke publikuar pa fund dhe duke sterholluar te dhenat kriminale mbi nje autor te çmendur (5 njoftime ne dite per nje kriminel), padashur ju u sherbeni lukunive te mediave antishqiptare te kazanit dhe vendi nxihet e katranoset deri ne skaj, saqë te gjithe kerkojne te arratisen nga syte-këmbët! Ku po shkojme?!
Shpresoj te mirekuptohem nga Redaksia e Gazetes DITA.
Faleminderit