Misioni i NATO-s në Kosovë, KFOR, tha se mënyra e vetme për arritjen e paqes së qëndrueshme midis Prishtinës dhe Beogradit, është që palët të zgjidhin çështjet e tyre “përmes dialogut dhe të arrijnë një zgjidhje që respekton të drejtat e të gjitha komuniteteve”.
“Është e rëndësishme të shmanget çdo përshkallëzim i ri dhe që çështjet të zgjidhen në mënyrë paqësore, pasi dhuna nuk ka vend në rajon. KFOR vazhdon të jetë jashtëzakonisht vigjilent dhe plotësisht i aftë të përmbushë mandatin e tij që derivon nga Kombet e Bashkuara”, u tha në njoftimin e këtij misioni të NATO-s.
Tensionet në veriun e Kosovës, të banuar me shumicë serbe, janë rritur që nga 6 dhjetori, teksa janë regjistruar disa incidente të armatosura.
Më 10 dhjetor, serbët lokalë ngritën barrikada në veri në shenjë pakënaqësie për arrestimin e ish-pjesëtarit serb të Policisë së Kosovës, Dejan Pantiq.
Gjykata Themelore në Prishtinë njoftoi më 12 dhjetor se Pantiqit i është caktuar masa e paraburgimit prej një muaji.
Ai dyshohet për “kryerjen e veprës penale terroriste”.
Ministri i Punëve të Brendshme, Xhelal Sveçla, ka deklaruar se Pantiq “ka organizuar sulmin terrorist” ndaj zyrave të Komisionit Qendror të Zgjedhjeve në veri të Kosovës më 6 dhjetor, kur “janë sulmuar zyrtarë e KQZ-së dhe zyrtarët policorë”.
Teksa Policia e Kosovës ka rritur prezencën në veri, Serbia ka paralajmëruar se më 15 dhjetor do t’i drejtohet KFOR-it me kërkesë që të vendosë deri në 1.000 trupa policore dhe ushtarake në Kosovë.
Paralajmërimet për dërgimin e trupave, kryeministri i Kosovës, Albin Kurti, i ka parë si “kërcënim me agresion” nga Beogradi, ndërkaq presidentja Vjosa Osmani ka thënë se territorin e Kosovës nuk do të ketë më kurrë policë dhe ushtarë të Serbisë.
a.m/dita
Alenaca ORTODOKSO-MYSLIMANE del fituese per te mire te gjithe njerezimit, perfshi shqiptaret.
Ku jeni more trima te natos perse nuk po i hpni rruget apo jeni marr vesh me bandat e serbis qe kesht eshte me mir qe pjesa verior e mitrovices te shkeputet dhe deri sa shqiptaret te lollen pra ju nuk jeni per paqe por per te ndar mitrovicen ne menyr te llunshme po ju has sharra ne gozhd nga qeveria Kurti se me ato te meperparmet beni bisnes dhe kishte siguri se pranoni gjithcka kurse tani po beni te pa diturin dhe thoni me bisedime por nuk dote ket bisedime pa u hapur rruga per kete ju siguroj prandaj jeni pal me serbin.