Të enjten në veri të Kosovës është dhunuar nga disa serbë kameramani i medias Insajder, Jemir Muji.
Rasti i dhunës është bërë publik nga Parim Olluri drejtuesi i “Insajder” në një postim në rrjetet sociale, ku sqaron se Muji ndodhet në spital ku po merr mjekim.
“Ekipi i Gazetes Insajderi ka qenë sot duke e realizuar një emision për gjendjen në pjesën veriore të Kosovës. Një i ri shqiptar është rrahur brutalisht nga një grup serbesh. Në momentin kur autoambulanca po e merrte të riun Granit Xhafa, të rrahur nga persona të panjohur, janë shfaqur disa serbë që i ka penguar xhirimi i këtij akti. Kanë sulmuar me grushte kameramanin e Insajderit, Jetmir Mujin. Jetmiri është dërguar në emergjencë dhe gjendja e tij është stabile. Policia e Kosovës është duke e hetuar rastin. Policisë i është ofruar edhe fotografia e sulmuesit kryesor dhe të tjerëve qe ishin duke e shoqëruar”, shprehet ai.
Olluri thekson se janë pritje që autoritetet të bëjnë punë dhe agresorët të arrestohen.
Situata në veri të Kosovës mbetet e tensionuar për shkak të vendimit të qeverisë së Kosovës për targat.
a.m/dita
Dergojani lajmin Edi Rames, sepse eshte ne Beograd. Mbase i thote ndonje fjale Vuçiçit, nga qe e ka mik.
Si ka mundesi ne nje territor te shtetit te Kosoves qe ndodhin keto gjera dhe nuk heton njeri asgje.