Një 35-vjeçar në Dibër është arrestuar nga policia vendore, nën akuzën e shpërndarjes së lëndëve narkotike. Në pranga ka rënë Ditar Cerjani, i cili në momentin që ka kuptuar se po ndiqej nga forcat e policisë, ka tentuar të largohet me automjetin e tij, por ka shkaktuar aksident dramatik, duke u përplasur me një tjetër makinë.
Gjatë kontrollit të bërë, të dyshuarit iu gjetën disa doza të lëndës narkotike kanabis sativa, të ndara në doza, gati për t’u shitur në qytetin e Peshkopisë. Bëhet me dije se 35-vjeçari kishte precedentë të mëparshëm penalë, ndërsa po verifikohet i gjithë aktiviteti kriminal, furnitorët me lëndë narkotike dhe bashkëpunëtorët në grup.
