Rrëzimi i një skele nga pallati në ndërtim i firmës Arlis ka lënë të dëmtuar dy kalimtarë, mes të cilëve edhe bashkëshorten e ish-futbollistit të njohur korçar, Bledi Shkëmbi.
Top Channel kontaktoi me ish-kapitenin e skuadrës së futbollit “Skënderbeu”, i cili tha se në ato momente ishte me avokatin në përgatitjen e dokumenteve për të ngritur padi ndaj firmës së ndërtimit, përfaqësues të së cilës deri në mesditë nuk kanë kontaktuar askënd për të mësuar mbi gjendjen shëndetësore të dy personave.
Vlen të theksohet se, për incidentin mëngjesin e kësaj të marte u arrestuan për veprën penale të shkeljes së rregullave dhe mbrojtjes në punë Elton Osmanllari, punëtor, Erjon Kanto, sipërmarrës dhe Zef kalaj inxhinier i kompanisë Arlis. Sipas verifikimeve të grupit hetimor në terren, ata nuk kishin zbatuar rregullat për të ruajtur, qoftë punëtorët, ashtu edhe këmbësorët.
Pas arrestimit të 3 përgjegjësve për incidentin, kantieri i ndërtimit ishte boshatisur dhe puna ishte ndërprerë në pallatin Arlis. Nga ana tjetër, dy të plagosurit vijojnë të jenë në spital ku po marrin ndihmën e nevojshme mjekësore.
Incidenti i ndodhur në një pallat në ndërtim në Tiranë ku u plagosën dy kalimtarë nuk është një rast i izoluar. Gjatë vitit 2023 u evidentuan 102 raste nga të cilat u identifikuan 115 autorë të shkeljes së rregullave dhe mbrojtjes në punë nga të cilët 35 u arrestuan.
Sektorët me problematikë përsa i përket incidenteve në punë, ku jo rrallë herë kemi hasur edhe humbje jete nga punëtorët janë ndërtimi, minierat dhe fasoneritë.
j.l./ dita
po si nuk e shtroi njeri pyetjen pse nuk u sigurua rruga? mberriti ne kat te 16-te pa vene strehe ne rruge dhe shteti qe e ka per detyre te na mbroje nuk e pa?! inspektoret e zones kalonin dhe nuk e shihnin se eshte mik i Xhafes dhe Lalit.. prandaj. Fati i njerezve qe deri tash i ruajti zoti, se robi dhe ata qe marrin rrogen per ate pune.. aha. mire te na e bejne prap jepini voten Lalit.