Trajtimi i grave nga ish-presidenti i SHBA-së, Donald Trump, për një kohë të gjatë një burim pikëllimi në karrierën e tij politike, po përballet tani me një nivel të ri shqyrtimi – një gjyq për një padi që e akuzon atë për përdhunim, raporton Associated Press. Zgjedhja e jurisë është planifikuar të fillojë të martën në çështjen e ngritur nga E. Jean Carroll, e cila thotë se Trump e përdhunoi atë në dhomën e zhveshjes së një dyqani luksoz në Neë York në vitet 1990. Trump, i cili nuk ka gjasa të marrë pjesë në gjyq, i quajti akuzat “një mashtrim të plotë”. Carroll, e cila po kërkon dëme të paspecifikuara, po e paraqet rastin si një kërkim për përgjegjësi të frymëzuar nga lëvizja #MeToo. Kam paditur jo vetëm për veten time, por për çdo grua në SHBA që është ngacmuar, sulmuar seksualisht dhe që nuk ka folur nga turpërimi ose pushimi nga puna”, tha Carroll. Padia e vë nën vëzhgim historinë e skandaleve të Trump me gratë ndërsa ai përpiqet të kthehet në Shtëpinë e Bardhë.
Kerko
