Të gjithë shqetësohemi për aromën e trupit dhe veçanërisht teshave që veshim. Shpesh është aroma klasike e mykut, e cila na detyron t’i lajmë përsëri rrobat para se t’i ripërdorim.
Para së gjithash, është e nevojshme të kuptoni se cili mund të jetë problemi që ka lavatriçja juaj, nëse rrobat e sapolara kundërmojnë. Përveç kësaj, është gjithashtu e rëndësishme të kuptoni se si të mbani një erë të mirë brenda dollapit, në mënyrë që të mos zhbëni të gjithë punën e bërë deri në atë moment.
Fatmirësisht ka një zgjidhje dhe nuk ka lidhje me aromatikët klasikë që gjenden në treg. Një limon i thjeshtë që kushton fare pak lekë do të garantojë një aromë të freskët dhe të pastër në dollapin tonë (garderobë), për një kohë të gjatë.
Dy mënyra si më poshtë:
Thjesht shtrydhni një limon. Pasi të kemi marrë vetëm lëngun e limonit, e përziejmë me pak ujë. Në këtë pikë mund të vazhdojmë në 2 mënyra.
E para është lagia e një lecke me lëngun e krijuar dhe pastrimi i garderobës ose komodinave e sirtarëve me këtë lackë të njomur. Do të fillojmë të nuhasim thuajse menjëherë aromën e freskët të agrumit të famshëm.
Për t’i thënë mjaft erës së një dollapi të mbyllur, mund të transferojmë edhe lëngun e limonit të përzier me ujë në një shishe spërkatëse praktike. Edhe në këtë rast të dytë, aroma verore e limonit do të pushtojë të gjithë ndarjen, duke ngopur edhe pjesën e brendshme të rrobave dhe çarçafëve.
Këtë teknikë mjafton ta përsërisni herë pas here.
