Tre persona të shpallur në kërkim ndërkombëtar nga Shqipëria, dy shtetas italianë dhe një shqiptar janë vënë në pranga në Itali dhe SHBA.
Policia e Shtetit bën me dije se është arrestuar italiani Alesandro Locateli i dënuar me 7 vite burg për pastrim parash. Ai ka kryer dy transferta nga Sllovenia në Shqipëri, në shumën 500 000 euro, të cilat e kanë burimin nga veprimtaria kriminale e këtij shetasi, në shtetin italian.
Po ashtu është arrestuar edhe italiani tjetër, Stefano Bottura i dënuar me 9 vite burg për mashtrim kompjuterik. Ky shtetas me anë të një skeme mashtrimi, ka krijuar në Shqipëri një kompani në të cilën ka kryer disa transanksione, ku shuma e parave të hedhura në karta, ka qenë më e madhe se shuma e blerjeve të kryera.
Ndërsa në SHBA është arrestuar ish-avokati shqiptar Elton Daka, i dënuar me 6 vite burg për veprën e mashtrimit.
Ky shtetas, duke ushtruar profesionin e tij si avokat, në vitin 2013, ka mashtruar dy shtetas të përfshirë në një aksident, të cilëve iu ka marrë vlera të konsiderueshme parash dhe nuk ua ka zgjidhur çështjen.
