Detaje të reja dalin nga dosja e hetimit të SPAK ku pas përgjimeve u arrestuan, drejtuesi i Prokurorisë së Kukësit, Xhevahir Lita, biznesmeni Pëllumb Gjoka, por edhe të tjerë.
Gjon Boriçi u vra nga grupi i Bajrave për llogari të Ervis Martinajt, teksa ky i fundit nuk do jepte para për vrasjen e Gjon Boriçit, pasi do vriste si këmbim Kleant Musabelliun.
Në mes të kërkuarve në dosje del edhe emri i Prekë Kodrës, i skeduar edhe si personi që dyshohet se do vriste Albin Kurtin.
Në vitin 2021, Prishtina konfirmoi se ishte parandaluar një tentativë për të vrarë Kryeministrin e Kosovës Albin Kurti.
Atëherë u raportua se ka qenë Njësia Kundër Terrorizmit në Kosovë ajo e cila ka zbuluar planin për të vrarë Kurtin dhe dy persona të tjerë në Kosovë, të Ismet Haxhës, ish-anëtar i Shërbimit Informativ të Kosovës dhe i afërm i Kadri Veselit dhe Xhavit Halitit, anëtar i Partisë Demokratike të Kosovës dhe ish-deputet.
I dyshuari kryesor u tha atëherë se ka qenë një shqiptar nga Shqipëria, Prek Kodra. Ky i fundit mohoi akuzat.
SPAK ka urdhëruar dje arrestimin e 15 personave. Nga këta, 6 janë arrestuar tashmë dhe 9 janë shpallur në kërkim.
