Nëse fëmija juaj është 5 vjeç dhe i mbush 6 brenda dhjetorit, atëherë mund të futet në klasë të parë në shtator. Kështu parashikon nisma e fundit ligjore e qeverisë për ndryshimin e ligjit të vitit 2012 për arsimin parauniversitar, e cila është hedhur për konsultim publik për të parë nëse prindërit janë dakord me këtë propozim të ri.
“Arsimi bazë me kohë të plotë është i detyrueshëm për të gjithë fëmijët me banim në Republikën e Shqipërisë nga mosha gjashtë vjeç deri në moshën gjashtëmbëdhjetë vjeç, me përjashtim të rasteve të parashikuara në këtë ligj. Nxënësi ka të drejtë ta ndjekë arsimin bazë me kohë të plotë kur mbush moshën gjashtë vjeç edhe pas fillimit të vitit shkollor deri në 31 dhjetor të po atij viti kalendarik, deri në moshën shtatëmbëdhjetë vjeç”, thuhet në propozim.
Deri më tani, shumë fëmijë kanë humbur vitin e ri shkollor për shkak se për pak muaj mbushnin 6 vjeç. Pra nëse një fëmijë ishte 5 vjeç dhe i mbushte 6 në tetor, atëherë do duhet që të priste vitin e ri shkollor, pasi nuk mund të regjistrohej në klasë të parë.
Më herët, Report Tv solli dhe ndryshimet e propozuara, ku pedofilëve dhe çdo personi që është dënuar më parë për një vepër penale që lidhen me të miturit, i ndalohet që të ushtrojnë profesionin e mësuesit dhe asnjë funksion tjetër brenda institucioneve arsimore parauniversitare, pavarësisht kryerjes së dënimit dhe rehabilitimit. Gjithashtu, ndryshime janë propozuar edhe në mënyrën e emërimit të drejtorëve.
Keshtu e kane edhe vendet e BE.
Kush ben 6 vjec perpara fillimit te shkolles ka detyrimin ligjor te shkoje ne shkolle.
Per te gjithe ata qe femije qe bejne 6 vjec deri ne fund te vitit, pra ne intervalin kohor fillimi i vitit shkollor deri me 31 dhjetor, atehere eshte pergjegjesi e prinderve ne se duan t’i dergojne ne shkole apo jo.