Kryeprokurori i Posaçëm i Shqipërisë, Altin Dumani, ka përmbyllur një vizitë dyditore në Bruksel, ku u prit nga zyrtarë të lartë të Bashkimit Europian. Delegacioni i BE-së në Tiranë e cilësoi vizitën “shumë të mirë”, duke theksuar se ajo pasqyron progresin e SPAK-ut në luftën kundër korrupsionit dhe krimit të organizuar.
“Vizitë shumë e mirë dyditore në Bruksel e Kryeprokurorit të Posaçëm të Shqipërisë, Altin Dumani, i cili u takua me zyrtarë të lartë të BE-së: Gert Jan Koopman, Drejtor i Përgjithshëm i DG NEAR; Salla Saastamoinen, Drejtoreshë në detyrë e Përgjithshme në OLAF; Irena Moozova, Zëvendësdrejtoreshë e Përgjithshme e DG JUST; Marko Makovec, Shef i Kabinetit të Komisioneres për Zgjerimin Marta Kos dhe Alexander Winterstein, Shef i Kabinetit të Komisionerit për Punët e Brendshme dhe Migracionin, Magnus Brunner”, thuhet në njoftimin e delegacionit të BE-së në Tiranë.
Sipas njoftimit të delegacionit të BE-së, të gjithë bashkëbiseduesit vlerësuan forcën, qëndrueshmërinë dhe besueshmërinë e SPAK-ut, duke përmendur sidomos bashkëpunimin e tij të ngushtë me agjencitë e BE-së, vendet anëtare dhe partnerët ndërkombëtarë. Vizita konsiderohet si dëshmi e rolit të konsoliduar të Prokurorisë së Posaçme në garantimin e sundimit të ligjit.
Ambasadori i BE-së në Shqipëri, Silvio Gonzato, theksoi mbështetjen e fortë të Bashkimit Europian ndaj SPAK-ut:
“BE-ja ka qenë dhe do të mbetet një mbështetëse e fortë e SPAK-ut në luftën kundër krimit të organizuar, korrupsionit të nivelit të lartë dhe mashtrimit, si dhe në mbrojtjen e interesave financiare të BE-së. Ruajtja e rezultateve solide të SPAK-ut edhe nën drejtimin e tij të ri në vitin 2026 e më tej do të jetë kyçe për vazhdimin e progresit të Shqipërisë drejt anëtarësimit në BE. Kjo është e rëndësishme për sigurinë e Shqipërisë dhe të BE-së dhe për forcimin e sundimit të ligjit. SPAK-u nuk mund ta bëjë këtë i vetëm. Edhe institucionet e tjera shqiptare duhet të bëjnë pjesën e tyre.”, tha Gonzato.
Vizita e Dumanit shihet si një sinjal i qartë i mbështetjes europiane për institucionet e drejtësisë dhe si një nxitje për vazhdimësinë e reformave kyçe që afron vendin drejt anëtarësimit në Bashkimin Europian.
o.p. / dita
Altin Dumani,Altin Dermani! Je i vetmi Institucion ne kete vend me perkrahje te gjere Nderkombetare.
I vetmi Institucion i Besueshem. Vervite pallen majtas,djathtas kunder Armiqve korrupsioniste,se na mbyten.
Populli qe paguan taxa eshte me Ty.
Populli shqiptar zgjedh me shume qejf nje qeveri qe kerkon nje koluni rojesh nga pas qe ta ruajn ate se ndryshe e vjedh gjithe shtetin, pasurite mbi dhe nentoksore dhe vete popullin qe e voton dhe e zgjedh ne zgjedhjet elektorale dhe ne ato lokale. Me hajdute nuk ke ku i gjene! VOTO Ore POPULL VOTO se KOKEN TENDE DO TE HANE KETO LLOJ QEVERISH, DERI SA TE ZESH MEND DHE TE MESOSH TE VOTOSH!