Tekniku i zbatimit të punimeve të varrezave, në lagjen nr. 13 të Durrësit, është arrestuar nga policia nën akuzën e korrupsionit.
60-vjeçari i identifikuar si A.S., u shfaq i filmuar në një kamera të fshehtë, ku merrte shuma të caktuara parash në këmbim të sigurimit të një vendi për varrim.
Rasti i ndodhur në varrezat e vjetra të qytetit të Durrësit, u publikua në një emision televiziv, ndërsa vijon puna për dokumentimin e ngjarjes dhe aktivitetit të dyshuar.
Hetimet e çështjes aktualisht i kanë kaluar prokurorisë vendore për veprime të mëtejshme, – njofton policia.
