Një ngjarje e rëndë është regjistruar ditën e sotme në qytetin bregdetar të Sarandës. Mësohet se një prokurore, identiteti i së cilës ende nuk është bërë i ditur është kanosur në zyrën e saj. Ngjarja ka ndodhur paraditen e kësaj të hëne, më konkretisht në momentin kur në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, janë paraqitur dy shtetase të cilat ka kërkuar takim me Prokuroren.
Dy shtetaset, identitetet e të cilave ende nuk bëhen të ditura, janë të afërme të viktimës, një e mitur, të një vepre penale, ndodhur ditët e fundit në Sarandë, ku për autorin e së cilës Prokurorja kishte vendosur masën e sigurisë “Arrest në shtëpi “ Të dyshuarat, të cilat nuk kanë qenë dakord me këtë masë sigurie kanë fyer dhe kanosur sot Prokuroren e gatshme që ka dhënë masën, brenda mjediseve të institucionit. Të njoftuar për ngjarjen, efektivë të Komisariatit të Policisë Sarandë janë ndodhur në vendngjarje dhe kanë shoqëruar të dyshuarat, nga të cilat janë marrë dëshmitë.
i.b./dita
