Një vatër zjarri është shfaqur ditën e sotme në pyllin me pisha në malin Partizan, pranë biznesit “Castel Park”, ku flakët e ndihmuara nga era janë përhapur me shpejtësi duke vënë në rrezik bizneset.
Ka qenë vetë pronari i “Castel Park” i cili ka lajmëruar repartin e zjarrfikësve, ndërsa në kamerat e sigurisë janë kapur dy të rinj me motor, të cilët kanë vënë zjarrin.
Forcat zjarrfikëse kanë mbërritur në vendngjarje menjëherë, duke vënë në gadishmëri të gjitha kapacitetet njerëzore dhe teknike dhe rreth 20 punonjës dhe 4 mjete zjarrëfikese.
Pas pak ndërhyrjes, u bë e mundur fikja e zjarrit, ku për pasojë u dogjën rreth 50 m2 shkurre, ferra dhe u përshkua nga zjarri rrethe 20 rrënjë pisha.
