Një lajm i trishtë vjen nga bota e sportit. Ylli i UFC-së, Felipe Colares, humb jetën në moshën 29-vjeçare, pasi u përplas nga një autobus.
Luftëtari brazilian i MMA u aksidentua në Rio de Zhaneiro teksa po kthehej nga stërvitja ditën e hënë.
Sipas medias braziliane, Globo, ambulanca dhe zjarrëfikësit mbërritën menjëherë në vendin e ngjarjes dhe e gjetën 29-vjeçarin në gjendje të rëndë. Ai u nis me urgjencë për në spital, por ndërroi jetë gjatë rrugës.
Colares, i njohur me nofkën Cabocao, ishte i martuar dhe kishte një djalë 10-muajsh. Ai debutoi si profesionist në MMA në vitin 2013 dhe në vitin 2017 u shpall kampion në peshën e lehtë, në Jungle Fight.
p.k\dita
