Ngjarja e rëndë me 2 të vdekur në Kavajë i ka fillesat e konfliktit ditë më parë. Burimet nga vendngjarja tregojnë se dy shtetasit Edmond Gosa dhe Sali Rexha, janë takuar për tu sqaruar në lidhje me një konflikt të mëparshëm, por se duket se diçka e tillë nuk është arritur.
Për pasojë, situata ka përfunduar me të dy protagonistët të vdekur, njëri nga plagët e shkaktuara nga armë e ftohtë e tipit thikë dhe tjetri nga plagët e marra nga arma e tipit pistoletë.
Dy shtetasit janë konfliktuar para 3 ditësh për motive të dobëta në një lokal të qytetit ku janë konfrontuar edhe fizikisht. Ngjarja ka ndodhur pranë banesës së Rexhës i cili ka qenë i shoqëruar nga djali i tij i mitur kur ka shkuar të takojë Gosën me qëllimin për të sqaruar konfliktin mes të dyve.
Mësohet se të dy fillimisht janë konfliktuar verbalisht e më pas situata ka degraduar në dhunë fizike për të shkuar deri te përdorimi i armëve të cilat i morën jetën të dyve.
Ka qenë Gosa i cili e ka qëlluar me thikë Rexhën, ndërsa ky i fundit i është përgjigjur duke shtënë me armë mbi 3 herë drejt 43-vjeçarit. Policia ka njoftuar se të dy personat kishin ndryshuar emrin në gjendjen civile.
m.b./dita
