Një i ri dyshohet se i ka dhënë fund jetës në mënyrën më tragjike, duke bërë harakiri mbrëmjen e djeshme në Elbasan. Viktima është identifikuar si Sali Hajdari, 33 vjeç, i cili paraprakisht nga grupi hetimor, thuhet se ka vrarë veten, duke ngulur thikën në zemër. Hajdari është dërguar me shenja jete në spital, por nuk ka mundur dot t’u mbijetojë plagëve të marra, pasi ishte dëmtuar organi më jetësor i trupit dhe hemorragjia ishte e pandalshme. Ngjarja ka ndodhur rreth orës 19:00, në lagjen “Dyli Haxhire”. Ende nuk dihet se cilat kanë qenë shkaqet që e kanë shtyrë 33-vjeçarin drejt këtij akti të rëndë, por nga dëshmitë e para bëhet me dije për gjendje depresive të të ndjerit. Policia po verifikon edhe faktorë të tjerë të panjohur dhe vetëm pasi të dalin rezultatet e ekspertizës, do të ketë dhe version zyrtar. Fillimisht u dyshua për një grindje çasti mes të rinjve, por më tej u sqarua se viktima ishte vetëplagosur në banesë, në rrethana që ende po hetohen.
E rëndë në Elbasan/ 33-vjeçari i ngul vetes thikën në zemër dhe vdes në spital, shkak dyshohet depresioni
