Një 45-vjeçar me origjinë shqiptare ka vrarë vajzën e tij 16-vjeçare dhe një italian 51-vjeçar, Massimo De Santis, në natën midis së shtunës 6 dhe të dielës 7 maj në Torremaggiore, në zonën e Foggia në Itali.
Mediat italiane traportojnë se vrasësi i dyshuar është Taulant Malaj, babai i viktimës 16-vjeçare.
Bëhet fjalë për një 45-vjeçar shqiptar, që punonte bukëpjekës, i cili tashmë është ndaluar nga karabinierët.
Në momentet e ngjarjes ka mbetur e plagosur edhe bashkëshortja e vrasësit të dyshuar.
Gruaja tani është e shtruar në spitalin e Foggia.
Fillimisht, shqiptari ka qëlluar me thikë italianin që e ka gjetur në shkallët e pallatit dhe më pas është futur në shtëpi. Në banesë, shqiptari është përleshur me bashkëshorten e tij, pasi dyshonte se kjo e fundit e tradhëtonte me italianin De Santis.
16-vjeçarja është futur mes prindërve për të mbrojtur të ëmën dhe 45-vjeçari e ka qëlluar me thikë duke e lënë të vdekur në vend. I pajetë është gjetur dhe italiani në shkallë, që siç duket kishte humbur shumë gjak.
Familja fatkeqe është nga Selenica e Vlorës.
j.l./ dita
